For dei som vart litt nysgjerrige av dette, så kan vi opplyse om at lenka i den førre kommentaren her er del av ein kampanje. Dersom du klikkar på den, kjem du til hovudsida for klimatoppmøtet i København. Så blir sida angripen av ein klimakatastrofe. Klimalizeren får slike katastrofar til å skje på internett, for å vise folk at dette er noko dei bør bry seg om. Det er Kirkens Naudhjelp som har funne på dette, saman med designbyrået Uredd. Sjå eigen bloggpost om dette.

Det er hyggeleg at du har slik tiltru til oss journalistar at vi kan avgjere kva som er sant. Vi skal rett nok streve etter å avdekke kritikkverdige forhold og opplyse folk, men vi er ikkje orakel. Viss vi har meiningar om dette, så skriv vi det på kommentarplass.

Hugs også at det finst ulike syn på kva som er sanninga. Kva du tenkjer og meiner blir avgjort av politisk ståstad, sosial og økonomisk bakgrunn og religiøs tru. Journalistar har ikkje monopol på den objektive sanninga.

Media får ofte kritikk for å vere einsidige. TU ynskjer som nemnd å vise fleire sider av sakene. Du kan jo begynne med å lese begge artiklane og kanskje bli litt klokare. Det kan godt hende at begge sider av peak oil-debatten har gode poeng. Og at sanninga ligg midt i mellom.

Det er fort gjort å finne tekniske artiklar om saltkraft på TU. Vi har skrive fleire artiklar om dette anlegget før. Her er til dømes litt teknisk info: http://www.tu.no/innsikt/energi/article179352.ece

Hei! Teknisk Ukeblad brukar ikkje verken det eine eller det andre miljøet som "sannhetsvitne". Mykje av grunnen til at vi vidareformidler CERA sitt syn er at vi skreiv ein større artikkel i førre veke om at "peak oil" truleg kjem før 2030, kanskje også før 2020:

http://www.tu.no/olje-gass/article228578.ece.

Oppfølgaren med IHS CERA viser lesarane våre at det finst fleire syn på dette. Slik viser vi at debatten ikkje er svart/kvit og balanserer dekninga av tematikken. Vi ynskjer å vise heile biletet og ikkje berre drive sensasjonsjag.

Kva som så er mest truverdig av britiske akademikarar og eit konsulentbyrå som ganske rett har vore svært optimistiske tidlegare, det får kvar enkelt lesar avgjere sjølv. Vår oppgåve er å formidle dei ulike verdsbileta som finst og dermed opplyse lesarane våre best mogeleg.

Det er rett at peak oil er punktet der maksimal produksjon oppstår, og at dette ikkje har noko med etterspørselen å gjere. IHS CERA understrekar for øvrig at punktet "peak demand" eller toppnivået for etterspørselen kanskje er vel så viktig. Dette er forklart nærare i rapporten deira.

Elles har TU også intervjua Colin Campbell: http://www.tu.no/olje-gass/article210788.ece